Babai i Mustafit hedh poshtë spekulimet për shkëputjen e kontratës me Arsenalin dhe konfirmon largimin në verë

Dje ka pasur raportime të shumta, që qendërmbrojtësi shqiptar Shkodran Mustafi ka kërkuar nga Arsenali shkëputjen e kontratës.
Minutazha e ulët dhe jo shumë hapësira në ndeshjet në Premierligë ka bërë që Mustafi të jetë i interesuar për largimin dhe kalimin te ndonjë skuadër tjetër, transmeton lajmi.net.

Mirëpo, këto spekulime i ka hedhur poshtë babai, njëkohësisht agjenti Kujtim Mustafi.

“I kam lexuar ato spekulime se Shkodrani dëshiron të shkëpus kontratën”.

“Të jemi të qartë, nuk ka bisedime për shkëputjen e kontratës”.

“Fakti është se Shkodran do largohet në verë së fundmi”, tha ai.

Mbetet të shihet e ardhmja e Mustafit ngase në fillimin e janarit interesim shprehi edhe Barcelona.

TË FUNDIT

Rekomandime